Walang na-recover na anumang pampasabog sa loob ng Pampanga State University, taliwas sa mga naunang impormasyong kumalat online, base sa report ng Pampanga Police Provincial Office.
Ayon sa pulisya, matapos matanggap ang report, agad na rumesponde ang Explosive Ordnance Disposal (EOD) at K9 units para inspeksyunin ang lugar na kalauna’y idineklarang secured o ligtas na.
Patuloy naman ang imbestigasyon ng mga otoridad upang matukoy at panagutin ang nasa likod ng nasabing pagbabanta.
Una nang kinansela ng pamunuan ng PSU ang nakatakdang Joint Commencement Exercises na gaganapin sana ngayong Huwebes, August 14, at Biyernes, August 15, bunsod ng naiulat na “bomb threat”. #
The post Walang bombang natagpuan sa PSU: Pampanga PPO first appeared on CLTV36.