Golden crown ang bitbit ng Kapampangan beauty queen na si Emma Mary Tiglao pauwi ng Pampanga matapos koronahan bilang Miss Grand Philippines 2025 sa ginanap coronation night sa SM Mall of Asia Arena nitong Linggo, August 24.
Sa harap ng 29 na kandidata mula sa iba’t ibang panig ng bansa, nangibabaw ang ganda at talino ni Emma. Mula Top 15 hanggang Final Round, agaw-pansin ang kanyang eleganteng golden gown, ngunit higit na umangat ang kanyang talino at paninindigan na tuluyang nagdala sa kanya sa tagumpay.
Sa Q&A portion, tinanong si Emma kung paano niya makukumbinsi ang mga lider ng iba’t ibang bansa na “bilhin” ang kapayapaan kung ito’y magiging isang produkto. Sa kanyang sagot na nakatuon sa kahalagahan ng constant dialogue kaysa sa oras o dami ng usapan, nakuha niya ang puso ng mga hurado at ng buong audience.
Hindi na rin bago kay Emma ang pageant stage. Matatandaang kinatawan niya rin ang Pilipinas sa Miss Intercontinental 2019 sa Egypt kung saan nakapasok siya sa Top 20 semifinalists.
Bukod sa korona, naiuwi rin niya ang ilang special awards gaya ng Best in Swimsuit at Best in Evening Gown.
Ngayon, susubukan ni Emma na makuha ang back-to-back crown para sa Pilipinas sa darating na Miss Grand International 2025 na gaganapin sa Bangkok, Thailand sa October 18.
Other winners:
Margarette Briton (Bicolandia) – 1st Runner-up
Beatriz Angela Ocampo (Rizal Province) – 2nd Runner-up
Nikki Buenafe (Quezon City) – Face of Beauty International 2025
Michelle Arceo (Taguig City) – Miss Tourism World Philippines 2025
Anita Rose Gomez (Zambales) – Miss Asia Pacific International 2025
Francesca Beatriz McLelland (Aklan) – Reina Hispanoamericana 2026
The post Emma Tiglao ng Pampanga, kinoronahan bilang Miss Grand Philippines 2025 first appeared on CLTV36.