Uupo bilang isa sa mga panelist sa gaganaping 1st General Membership Meeting ng Shareholders Association of the Philippines (SharePHIL) ang chairman at CEO ng Laus Group of Companies (LGC) na si Lisset Laus-Velasco.
Gaganapin ito sa Mayuree Ballroom, Dusit Thani, Manila sa Huwebes, March 19.
Sa ilalim ng kanyang liderato sa LGC, nakatanggap si Velasco ng iba’t ibang parangal, kabilang ang 2024 Most Outstanding Kapampangan for Business, ASEAN Top 10 Leading Women Entrepreneur 2023, at Ernst & Young Woman Entrepreneur of the Year Philippines 2022. Maliban dito, siya rin ang Independent Director ng NLEX Corporation at Trustee ng Philippine Business for Social Progress.
Dahil dito, tinagurian siya bilang isa sa mga next-generation visionaries sa larangan ng pagnenegosyo.
Samantala, makakasama rin ni Velasco bilang panelist sina Lorraine Belo-Cincochan, President and CEO ng Wilcon Depot, Inc.; Jose Paolo Delgado, President and CEO ng Delbros Group; at si Jose Franco Soberano, Senior Executive Vice President and COO ng Cebu Landmasters, Inc.. Habang magiging keynote speaker naman si Isidro A. Consunji, ang Chairman and CEO ng DMCI Holdings, Inc..
Sa mga nais dumalo at makibahagi sa gaganaping general meeting ng SharePHIL, maaaring magparehistro sa link na ito: bit.ly/SharePHILGMM2025. #
The post LGC Chair Lisset Laus-Velasco, kabilang sa panel ng 1st General Membership Meeting ng SharePHIL first appeared on CLTV36.