LUNGSOD NG SAN FERNANDO – Ibinahagi ng Pamahalaang Panlalawigan ng Pampanga ng paalala, impormasyon, at gamot sa mga kabalen bilang paghahanda laban sa WILD – Water-borne diseases, Influenza, Leptospirosis, at Dengue – mga karaniwang sakit ngayong tag-ulan.
Pinangunahan ni Gov. Lilia “Nanay” Pineda ang pakikipagtalastasan sa mga mayor, barangay officials at municipal health officers ng mga bayan ng Guagua, Lubao, at Sasmuan.
Kabilang sa health support ang pagkumpleto ng suplay ng gamot para sa mild to moderate cases sa mga district hospital, pagdagdag ng dengue test kits, at pamamahagi ng doxycycline para sa mga kwalipikadong indibidwal na nalantad sa posibleng kontaminadong baha.
Ipinaliwanag nina provincial health officer Dr. Dax Tidula at Escolastica Romero District Hospital chief Dr. Sherwin Sarmiento ang kahalagahan ng maagap na pagkilala sa sintomas at pagpapatingin, lalo na matapos malusong sa baha.
Kabilang sa dumalo sina Department of Social Welfare and Development Region 3 directro Venus Rebuldela, 2nd District board members Fritzie David-Dizon, Atty. Claire Lim at Sajid Khan Eusoof, Executive Assistant IV Angelina Blanco, provincial disaster risk reduction and management office chief Janica Yambao, Guagua Mayor Tonton Torres, Lubao Mayor Esmie Pineda, at councilor Jayson Victorino.
Maigting ang paalala ng Kapitolyo na huwag balewalain ang lagnat, pananakit ng katawan o panghihina. Agad kumonsulta sa health center o ospital, lalo na kung lumusong sa baha. Pampanga PIO/Photos: Matt De Lara